||om tat sat||

Select text in Devanagari Kannada Gujarati English
ઉત્તર ચરિતમુ
મહાસરસ્વતી ધ્યાનમ્

ઘણ્ટાશૂલહલાનિ શંખમુસલે ચક્રં ધનુઃ સાયકં
હસ્તાબ્જૈર્દધતીં ઘનાન્તવિલસચ્ચીતાંશુ તુલ્યપ્રભામ્|
ગૌરીદેહસમુદ્ભવાં ત્રિજગતામાધારભૂતાં મહા
પૂર્વામત્ર સરસ્વતીમનુભજે શુમ્ભાદિ દૈત્યાર્દિનીમ્||

||ઓમ્ તત્ સત્||
=============
દશમાધ્યાયઃ ||

ઋષિરુવાચ||

નિશુમ્ભં નિહતં દૃષ્ટ્વા ભ્રાતરં પ્રાણ સમ્મિતમ્|
હન્યમાનં બલં ચૈવ શુમ્ભઃ ક્રુદ્ધોઽબ્રવીદ્વચઃ||1||

બલાવલેપદુષ્ટે ત્વં માદુર્ગે ગર્વમાહવ|
અન્યાસાં બલમાશ્રિત્ય યુદ્ધ્યસે યાતિ માનિની||2||

દેવ્યુવાચ||

એકૈવાહં જગત્યત્ર દ્વિતીયા કા મમાપરા|
પશ્યૈતા દુષ્ટ મય્યેવ વિશન્ત્યો મદ્વિભૂતયઃ||3||

તતઃ સમસ્તાઃ તા દેવ્યો બ્રહ્મણી પ્રમુખાલયમ્|
તસ્યા દેવ્યાસ્તનૌ જગ્મુઃ એકૈવાસીત્ તદામ્બિકા||4||

દેવ્યુવાચ||

અહં વિભૂત્યા બહુભિઃ ઇહ રૂપૈર્યદાસ્થિતા|
તત્સંહૃતં મયૈકૈવ તિષ્ઠામ્યાજૌ સ્થિરો ભવ||5||

ઋષિરુવાચ||

તતઃ પ્રવવૃતે યુદ્ધં દેવ્યા શુમ્ભસ્ય ચોભયોઃ|
પશ્યતાં સર્વદેવાનામ્ અસુરાણાં ચ દારુણમ્||6||

શરવર્ષૈઃ શિતૈઃ શસ્ત્રૈઃ તથાસ્ત્રૈઃ ચૈવ દારુણૈઃ|
તયોર્યુદ્ધમભૂદ્ભૂયઃ સર્વલોક ભયંકરમ્||7||

દિવ્યાન્યસ્ત્રાણિ શતશો મુમુચે યાન્યથામ્ભિકા|
બભઞ્જ તાનિ દૈત્યેન્દ્રઃ તત્પ્રતીઘાત કર્તૃભિઃ||8||

મુક્તાનિ તેન ચાસ્ત્રાણિ દિવ્યાનિ પરમેશ્વરી|
બભઞ્જ લીલયૈવોગ્ર હુંકારોચ્છારણાધિભિઃ||9||

તતઃ શરશતૈર્દેવીમ્ આચ્છાદયત સોઽસુરઃ|
સા પિ તત્કુપિતા દેવી ધનુશ્ચિચ્ચેદ ચેષુભિઃ||10||

ચિન્નેધનુષિ દૈત્યેન્દ્રઃ તથા શક્તિમથાદધે|
ચિચ્ચેદ દેવી ચક્રેણ તામપ્યસ્ય કરે સ્થિતાં||11||

તતઃ ખડ્ગમુપાદાય શતચન્દ્રં ચ ભાનુમત્|
અભ્યધાવત્તદા દેવીં દૈત્યાનામ્ અધિપેશ્વરઃ||12||

તસ્યાપતત એવાશુ ખડ્ગં ચિચ્છેદ ચણ્ડિકા|
ધનુર્મુક્તૈઃ શિતૈઃ બાણૈઃ ચર્મ ચાર્કકરામલમ્||13||

હતાશ્વઃ સ તદા દૈત્યશ્ચિન્નધન્વા વિસારથિઃ|
જગ્રાહ મુદ્ગરં ઘોરં અમ્બિકા નિધનોદ્યતઃ||14||

ચિચ્ચેદાપતતઃ તસ્ય મુદ્ગરં નિશિતૈઃ શરૈઃ|
તથાપિ સોઽભ્યધાવત્તાં મુષ્ટિમુદ્યમવેગવાન્||15||

સ મુષ્ટિં પાતયામાસ હૃદયે દૈત્યપુઙ્ગવઃ|
દેવ્યાસ્તં ચાપિ સા દેવી તલેનોરસ્ય તાડયત્||16||

તલપ્રહારાભિહતો નિપપાત મહીતલે|
સ દૈત્ય રાજઃ સહસા પુનરેવ તથોત્થિતઃ||17||

ઉત્પત્ય ચ પ્રગૃહ્યોચ્છૈઃ દેવીં ગગનમાસ્થિતઃ|
તત્રાપિ સા નિરાધારા યુયુધે તેન ચણ્ડિકા||18||

નિયુદ્ધં ખે તદા દૈત્યઃ ચણ્ડિકા ચ પરસ્પરમ્|
ચક્રતુઃ પ્રથમં સિદ્ધ મુનિવિસ્મયકારકમ્||19||

તતો નિયુદ્ધં સુચિરં કૃત્વા તેનામ્બિકા સહ|
ઉત્પાત્ય ભ્રામયામાસ ચિક્ષેપ ધરણીતલે||20||

સ ક્ષિપ્તોધરણીં પ્રાપ્ય મુષ્ટિમુદ્યમ્ય વેગતઃ|
અભ્યધાવત દુષ્ટાત્મા ચણ્ડિકા નિધનેચ્છયા ||21||

તમાયાન્તં તતો દેવી સર્વદૈત્ય જનેશર્વમ્|
જગત્યાં પાતયામાસ ભિત્વા શૂલેન વક્ષસિ||22||

સ ગતાસુઃ પપાતોર્વ્યાં દેવી શૂલાગ્રવિક્ષતઃ|
ચાલયન્ સકલાં પૃથ્વીં સાબ્ધિદ્વીપાં સપર્વતામ્||23||

તતઃ પ્રસન્નમખિલં હતે તસ્મિન્ દુરાત્મનિ |
જગત્સ્વાસ્થ્યમતીવાપ નિર્મલં ચાભવન્નભઃ||24||

ઉત્પાતમેઘાઃ સોલ્કા યે પ્રાગા સંસ્તે શમં યુયુઃ|
સરિતો માર્ગવાહિન્યઃ તથા સંસ્તત્ર પાતિતે||25||

તતો દેવ ગણાઃ સર્વે હર્ષ નિર્ભરમાનસાઃ|
બભૂવુર્નિહતે તસ્મિન્ ગન્ધર્વા લલિતં જગુઃ||26||

આવાદયંસ્તથૈવાન્યે નનૃતુશ્ચાપ્સરોગણાઃ|
વપુઃ પુણ્યાસ્તથા વાતાઃ સુપ્રભોઽભૂત્ દિવાકરઃ||27||

જજ્વલુશ્ચાગ્નયઃ શાન્તાઃ શાન્તદિગ્જનિતસ્વનાઃ||28||

ઇતિ માર્કણ્ડેય પુરાણે સાવર્ણિકે મન્વન્તરે
દેવી મહાત્મ્યે શુમ્ભ વથો નામ
દશમાધ્યાયઃ ||

|| ઓમ્ તત્ સત્||

updated27 09 2022 0600
=====================================